Xəbərlər
11 aprel 2025-ci il tarixində "Şahin " hərbi - idman oyunlarının Göygöl rayonu üzrə seçim mərhələsi keçirilib.
"Şahin" hərbi - idman oyunları şagirdlərimizdə vətənə sevgi, vətənin müdafiəsinə hazırlıq ruhunu aşılayır, o cümlədən gənclərin fiziki inkişafına, hərbi biliklərin formalaşmasını hədəfləyir. Bu cür hərbi - idman oyunları gənclər arasında komanda ruhunun və liderlik bacarıqlarının inkişafına dəstək olur və milli-mənəvi dəyərlərin təbliğinə xidmət edir.
Göygöl rayonunda fəaliyyət göstərən ümumtəhsil məktəblərinin yuxarı sinif şagirdlərinin qatıldığı yarışda 24 komanda iştirak edib.
Gərgin və maraqlı keçən oyunların yekununda qaliblər müəyyənləşib.
“Şahin” hərbi-idman oyunlarının Göygöl rayonu üzrə seçim mərhələsinin nətəcələrinə əsasən:
Göygöl şəhəri 1 nömrəli tam orta məktəb I yerə,
Göygöl rayonu Xəqani kənd tam orta məktəb II yerə,
Göygöl rayonu Üçtəpə kənd tam orta məktəb III yerə
layiq görülüb.
Hərbi-idman oyunun rayon üzrə seçim mərhələsinin sonunda qalib olan komandalara Azərbaycan Təhsil İşçiləri Azad Həmkarlar İttifaqının Göygöl Rayon Komitəsi tərəfindən diplomlar, medallar və qiymətli hədiyyələr təqdim olunub.
Beləliklə, Göygöl şəhəri 1 nömrəli tam orta məktəbin komandası “Şahin” hərbi-idman oyunlarının zona mərhələsində rayonumuzu təmsil edəcək.
Zona mərhələsində komandamıza uğurlar arzu edirik.
Press-reliz (xəbər) barədə yarana biləcək suallara cavab verəcək məsul şəxs:
ATİAHİ Göygöl Rayon Komitəsinin sədri: Elnur Hacıyev
Əlaqə nömrəsi: +994502736336
Elektron ünvan: goygol.hemkarlar.rk@mail.ru
