Xəbərlər
15 iyun tarixində ATİAHİ Xətai Rayon Komitəsi tərəfindən Milli Qurtuluş Günü münasibətilə ittifaq üzvlərinin asudə vaxtlarının səmərəli təşkili məqsədilə Quba rayonunda yerləşən “Nazlı Bulaq” istirahət mərkəzinə səfər təşkil olunmuşdur.
15/06/2025, 16:52
Səfər iştirakçıları təbiətin füsunkar mənzərələrindən və saf dağ havasından zövq alaraq dincəlmək imkanı əldə etmiş, istirahətlərini həm maraqlı, həm də mənalı şəkildə keçirmişlər. İstirahət mərkəzində təqdim olunan ləziz təamlar, səmimi ünsiyyət və birgə vaxt keçirilməsi iştirakçılarda xoş əhval-ruhiyyə yaratmışdır.
Belə tədbirlər ATİAHİ Xətai Rayon Komitəsinin ittifaq üzvləri arasında birliyin, qarşılıqlı anlayışın və həmrəyliyin möhkəmləndirilməsinə xidmət edir.
