“Mən dünyada müəllimdən yüksək ad tanımıram”.

Heydər Əliyev
heyder eliyev

Xəbərlər

27 Sentyabr – Anım Günü ilə bağlı tədbir təşkil olunub.

25/09/2026, 17:12
xeber1

Təbriz Yaqubov adına Bum qəsəbə tam orta ümumtəhsil məktəbində 27 Sentyabr – Anım Günü ilə bağlı tədbir təşkil olunub.

Tədbirlərdə Elm və Təhsil İşçiləri Həmkarlar İttifaqının Qəbələ Rayon Komitəsinin sədri Camal Qurbanov və Qəbələ rayon təhsil sektorunun müdiri Arifə Bayramova iştirak ediblər.

Qalibiyyət və vətənpərvərlik ruhunda təşkil olunan tədbirlər Azərbaycan Respublikasının Dövlət Himninin səsləndirilməsi ilə başlayıb. Daha sonra Vətən müharibəsində şəhid olan qəhrəmanlarımızın əziz xatirəsi bir dəqiqəlik sükutla yad edilib.

Tədbirlər zamanı şagirdlərə 27 Sentyabr – Anım Gününün tarixi və əhəmiyyəti barədə ətraflı məlumat verilib. Bildirilib ki, 2020-ci il sentyabrın 27-də Ermənistanın Azərbaycana qarşı növbəti hərbi təcavüzünə cavab olaraq, Ali Baş Komandanın rəhbərliyi ilə Azərbaycan Silahlı Qüvvələri işğal altında olan torpaqlarımızın azad edilməsi uğrunda Vətən müharibəsinə başlayıb.

Şagirdlərin diqqətinə çatdırılıb ki, 44 gün davam edən Vətən müharibəsi Azərbaycan xalqının həmrəyliyi, ordumuzun qəhrəmanlığı və şəhidlərimizin canı bahasına tarixi Zəfərlə nəticələnib. Vətən uğrunda canından keçən şəhidlərimizin və qəhrəman qazilərimizin şücaətinin hər zaman ehtiramla yad edildiyi vurğulanıb.

Qeyd olunub ki, 27 Sentyabr – Anım Günü şəhidlərimizin əziz xatirəsini ehtiramla yad etməklə yanaşı, gənc nəslin vətənpərvərlik ruhunda tərbiyəsində də mühüm əhəmiyyət daşıyır. Bu əlamətdar gün Azərbaycan xalqının tarixi yaddaşının, milli birliyinin və Vətənə bağlılığının rəmzlərindən biridir.

Gallery Image
Gallery Image
Gallery Image
Gallery Image

Sosial şəbəkələrdə paylaş: