“Mən dünyada müəllimdən yüksək ad tanımıram”.

Heydər Əliyev
heyder eliyev

Xəbərlər

53 nömrəli tam orta məktəbdə müəllimlər günü qiymətləndirildi

04/10/2026, 12:19
xeber1

5 Oktyabr – Beynəlxalq Müəllimlər Günü ərəfəsində Elm və Təhsil İşçiləri Həmkarlar İttifaqı Yasamal Rayon Komitəsinin təşəbbüsü ilə silsilə bayram tədbirləri davam edir. Bu tədbirlərdən biri də 53 nömrəli tam orta məktəbdə baş tutub.

​Bayram görüşündə məktəbin müəllim kollektivi və ETİHİ Yasamal Rayon Komitəsinin sədri bir araya gəliblər.

​Tədbir Ümummilli Lider Heydər Əliyevin əziz xatirəsinin yad edilməsi və ölkəmizin ərazi bütövlüyü uğrunda canlarından keçmiş şəhidlərimizin xatirəsinin bir dəqiqəlik sükutla anılması ilə başlayıb.

​Tədbirdə ETİHİ Yasamal Rayon Komitəsinin sədri Rövşən İbrahimli müəllim peşəsinin əzəmətli və məsuliyyətli iş olduğunu qeyd edərək, qazanılmış bütün uğurların əsasında savadlı, qayğıkeş müəllimlərin dayandığını bildirib. Həmkarlar ittifaqının təhsil işçilərinin hüquqlarının qorunması, maddi və mənəvi maraqlarının təmin olunması istiqamətində səylərini xüsusi vurğulayıb.

​Sonda təhsilə uzun illər sədaqətlə xidmət etmiş müəllimlər ETİHİ Yasamal Rayon Komitəsinin Fəxri Fərmanı və qiymətli hədiyyələri ilə mükafatlandırılıblar.

​Məktəb kollektivi göstərilən diqqətə görə səmimi minnətdarlığını bildirib.

Gallery Image
Gallery Image
Gallery Image
Gallery Image

Sosial şəbəkələrdə paylaş: