“Mən dünyada müəllimdən yüksək ad tanımıram”.

Heydər Əliyev
heyder eliyev

Xəbərlər

79 Saylı Uşaq Bağçasında Bayram Görüşü

02/10/2026, 09:05
xeber1

​5 Oktyabr – Beynəlxalq Müəllimlər Günü münasibətilə Elm və Təhsil İşçiləri Həmkarlar İttifaqı Yasamal Rayon Komitəsinin təşkilatçılığı ilə fəaliyyət dairəsinə daxil olan 79 nömrəli körpələr evi-uşaq bağçasında tədbir təşkil olunub.

​Tədbirdə məktəbəqədər təhsil işçilərinin uşaqların ilkin inkişafındakı, dünyagörüşünün formalaşmasındakı və cəmiyyətə faydalı fərd kimi yetişməsindəki rolundan bəhs olunub. Qeyd olunub ki, onların gündəlik işlərində nümayiş etdirdikləri peşəkarlıq və məsuliyyət təhsil prosesinin vacib hissəsidir.

​ETİHİ Yasamal Rayon Komitəsinin nümayəndələri bağça heyətini əlamətdar gün münasibətilə təbrik edərək, onlara möhkəm cansağlığı və pedaqoji fəaliyyətlərində uğurlar arzulayıblar. Çıxışlarda müəllim əməyinə verilən dəyərin, təhsil işçilərinin sosial və əmək hüquqlarının müdafiəsinin vacibliyi diqqətə çatdırılıb.

​Təhsil və tərbiyə sahəsində səmərəli fəaliyyət göstərən əməkdaşlar Fəxri Fərman və xatirə hədiyyələri ilə təltif olunublar.

​Tədbirdə müəllim və tərbiyəçilərin rəy və təklifləri dinlənilib, onları maraqlandıran məsələlər ətrafında fikir mübadiləsi aparılıb.

​ETİHİ Yasamal Rayon Komitəsi bütün müəllim və tərbiyəçiləri 5 Oktyabr – Beynəlxalq Müəllimlər Günü münasibətilə təbrik edir və fəaliyyətlərində uğurlar arzulayır!

Gallery Image
Gallery Image
Gallery Image
Gallery Image
Gallery Image
Gallery Image
Gallery Image
Gallery Image
Gallery Image

Sosial şəbəkələrdə paylaş: