Xəbərlər
"8 - Noyabr Zəfər günü" ilə əlaqədar liseyin XI sinifləri arasında voleybol, VIII sinifləri arasında isə "Şən startlar" idman yarışları təşkil olunmuşdur.

05 noyabr 2026-cı il tarixdə ETİHİ Şirvan Şəhər Komitəsinin və Şirvan şəhəri kimya-biologiya təmayüllü liseyin birgə təşkilatçılığı ilə "8 - Noyabr Zəfər günü" ilə əlaqədar liseyin XI sinifləri arasında voleybol, VIII sinifləri arasında isə "Şən startlar" idman yarışları təşkil olunmuşdur. Azərbaycan Respublikasının Dövlət Himni səsləndikdən və ulu öndər Heydər Əliyevin və torpaqlarımızın azadlığı uğrunda şəhid olanların əziz xatirələri bir dəqiqəlik sükutla yad olunduqdan sonra yarışlara start verildi. Gərgin mübarizələrdən sonra qalib komandalar ETİHİ Şirvan Şəhər Komitəsi tərəfindən kubok, medal və diplomlarla mükafatlandırıldılar. Sonda yarış iştirakçıları yarışın təşkilinə görə təşkilatçılara minnətdarlıqlarını bildirdilər.















