Xəbərlər
“8 Noyabr – Zəfər Günü” münasibətilə məktəblilər arasında voleybol turnirləri keçirildi
28 və 30 oktyabr 2025-ci il tarixlərində Elm və Təhsil İşçiləri Həmkarlar İttifaqı Xəzər Rayon Komitəsinin və Bakı Şəhər Gənclər və İdman Baş İdarəsinin Xəzər rayonu üzrə gənclər və idman sektorunun birgə təşkilatçılığı ilə “8 Noyabr – Zəfər Günü” münasibətilə orta ümumtəhsil məktəbləri arasında voleybol üzrə Xəzər rayon turnirləri keçirildi.
28 oktyabr tarixində keçirilən turnirdə qızlardan ibarət komandalar maraqlı və gərgin mübarizə şəraitində yarışdılar. Turnirdə 9 orta ümumtəhsil məktəbinin komandası iştirak etdi və qaliblər aşağıdakı kimi müəyyənləşdi:
🥇 I yer – 230 nömrəli tam orta məktəbin komandası
🥈 II yer – 156 nömrəli tam orta məktəbin komandası
🥉 III yer – 121 nömrəli tam orta məktəbin komandası
30 oktyabr tarixində isə oğlanlardan ibarət komandalar arasında voleybol üzrə Xəzər rayon turniri keçirildi. Yarışın nəticələrinə əsasən qaliblər aşağıdakı kimi müəyyənləşdi:
🥇 I yer – 117 nömrəli tam orta məktəbin komandası
🥈 II yer – 237 nömrəli tam orta məktəbin komandası
🥉 III yer – 156 nömrəli tam orta məktəbin komandası
Hər iki turnirdə qalib gələn komandalar diplom, medal, kubok və hədiyyələrlə təltif olundular.
