Xəbərlər
8 noyabr – Zəfər gününə həsr olunmuş tədbir keçirilib
11/11/2026, 09:31

Elm və Təhsil İşçiləri Həmkarlar İttifaqı Gəncə Şəhər Komitəsi və Sənaye və Texnologiyalar üzrə Gəncə Dövlət Peşə Təhsil Mərkəzinin birgə təşkilatçılığı ilə tələbələr arasında 8 Noyabr – Zəfər Gününə həsr olunmuş tədbir keçirilib.
Yüksək təşkilatçılıq səviyyəsi ilə yadda qalan tədbirdə tələbələrin Zəfər Gününə həsr etdikləri çıxışlar və bədii kompozisiyalar iştirakçılar tərəfindən maraqla izlənilib. Çıxış edən Komitə sədri Niyazi Nəbiyev şəhid ailələrinin üzvü olan və Mərkəzdə təhsil alan ittifaq üzvü tələbələri Zəfər Günü münasibətilə təbrik edərək onlara xoş arzularını çatdırıb. Sonda Şəhid ailə üzvü olan tələbələr ETİHİ Gəncə Şəhər Komitəsi tərəfindən mükafatlandırıldı.






