Xəbərlər
ADU-nun fəal tələbələri mükafatlandırılıb

Azərbaycan Dillər Universitetində (ADU) universitetin ictimai, mədəni, elmi və sosial həyatında fəal iştirak edən tələbələrin mükafatlandırılması mərasimi keçirilib.
Tədbirdə ADU THİK-in sədri Zəha Hüseynova çıxış edərək tələbələrin təhsil aldıqları müddətdə göstərdikləri fəallığı, həyata keçirdikləri təşəbbüsləri və universitetin müxtəlif layihələrindəki iştiraklarını yüksək qiymətləndirib.
Bildirilib ki, mükafatlandırılan tələbələr universitetin sosial və ictimai həyatında aktiv rol oynayan, müxtəlif tədbirlərin təşkilində yaxından iştirak edən, könüllülük fəaliyyətində fərqlənən, eləcə də universiteti müxtəlif platformalarda uğurla təmsil edən gənclərdir.
Sonda fərqlənən tələbələrə təşəkkürnamə, fəxri fərman və hədiyyələr təqdim olunub, onlara gələcək fəaliyyətlərində uğurlar arzulanıb.
























