Xəbərlər
Aprelin 8-də Azərbaycan Texniki Universitetində (AzTU) ümummilli lider Heydər Əliyevin anadan olmasının 103 illiyinə həsr olunan ali məktəb tələbələrinin bədii yaradıcılıq müsabiqə-festivalının II mərhələsi çərçivəsində seçim turu keçirilib.
08/04/2026, 17:26

Seçim mərhələsində AzTU-nun 20 tələbəsi 16 nominasiya üzrə vokal ifaçılığı, bədii qiraət, instrumental ifa və səhnə kompozisiyaları kimi müxtəlif istiqamətlərdə çıxış edərək yaradıcılıqlarını təqdim ediblər.
Tədbir iştirakçıların yüksək hazırlıq səviyyəsi və səhnə mədəniyyəti ilə yadda qalıb, rəngarəng çıxışlar münsiflər heyətinin marağına səbəb olub.
Qeyd edək ki, seçim mərhələsinin nəticələrinə əsasən fərqlənən iştirakçılar final mərhələsində çıxış etmək hüququ qazanacaqlar.




















