Xəbərlər
Azərbaycan Dövlət Mədəniyyət və İncəsənət Universitetində (ADMİU) təşkil olunan “Pillə 4” Respublika Tələbə Tamaşaları Festivalında Azərbaycan Texniki Universiteti (AzTU) Tələbə Həmkarlar İttifaqı Komitəsinin (THİK) nəzdində fəaliyyət göstərən “Paradox” Teatr Klubu iştirak edib.
07/05/2026, 14:38

Klub üzvləri festival çərçivəsində Vətən müharibəsində şəhid olmuş qəhrəmanlarımızın xatirəsinə həsr edilən “Yarım qalan arzular” tamaşasını təqdim ediblər. Tamaşanın rejissoru AzTU-nun tələbəsi Xəyal Abdullayev olub.
Festivalda çıxış edən iştirakçılar universitetimizin fəal tələbələri olub və AzTU-nu təmsil ediblər.
“Pillə 4” Respublika Tələbə Tamaşaları Festivalı Azərbaycan Dövlət Mədəniyyət və İncəsənət Universitetinin təşkilatçılığı ilə keçirilib.









