Xəbərlər

Azərbaycan Həmkarlar İttifaqları Konfederasiyasının üzv təşkilatı Azərbaycan Təhsil İşçiləri Azad Həmkarlar İttifaqı (ATİAHİ) Respublika Komitəsinin V Məclisinin iclası keçirilib.

İclas zamanı təşkilatın fəaliyyət istiqamətlərinə dair bir sıra vacib məsələlər müzakirə olunub və müvafiq qərarlar qəbul edilib. Məclis çərçivəsində təşkilati dəyişikliklər, idarəetmənin təkmilləşdirilməsi və gələcək fəaliyyətin istiqamətləri geniş şəkildə nəzərdən keçirilib.

İclasda, həmçinin, Azərbaycan Təhsil İşçiləri Azad Həmkarlar İttifaqı Respublika Komitəsinin adının “Elm və Təhsil İşçiləri Həmkarlar İttifaqı” kimi dəyişdirilməsi və təşkilatın yeni loqosunun təsdiq olunması məsələləri müzakirə edilib.