Xəbərlər
AzTU-da “I İntellekt Liqası”nın ilk turu keçirilib
26/10/2026, 11:19

Azərbaycan Texniki Universiteti Tələbə Həmkarlar İttifaqı Komitəsinin (AzTU THİK) nəzdində fəaliyyət göstərən İntellektual Oyunlar Klubunun (İOK) təşkilatçılığı ilə “I İntellekt Liqası”na start verilib.
Liqanın ilk turunda 16 komanda mübarizə aparıb.
Turnir tələbələrin intellektual potensialının inkişafına, asudə vaxtlarının səmərəli təşkilinə və tələbələr arasında dostluq münasibətlərinin möhkəmlənməsinə xidmət edir.
Payız semestri boyu davam edəcək liqanın növbəti turlarının qarşıdakı həftələrdə keçirilməsi nəzərdə tutulur.








