Xəbərlər
AzTU-da “Şanlı Zəfər tariximiz” adlı bədii tədbir keçirilib
10/11/2026, 20:40

AzTU-da “Şanlı Zəfər tariximiz” adlı bədii tədbir keçirilib
Azərbaycan Texniki Universiteti (AzTU) və “Şəhid analarına dəstək” İctimai Birliyinin birgə təşkilatçılığı, AzTU Həmkarlar İttifaqının dəstəyi ilə “Şanlı Zəfər tariximiz” adlı bədii tədbir təşkil olunub.
Şəhid ailələrinin üzvlərinin və qazilərin iştirak etdiyi tədbir universitetin foyesində ümummilli lider Heydər Əliyevin büstü önünə gül dəstələrinin qoyulması ilə başlayıb. Daha sonra tədbir iştirakçıları AzTU-nun ərazisində yerləşən “Ana harayı” abidəsini ziyarət ediblər.
Tədbirdə Azərbaycanın ərazi bütövlüyü və suverenliyi uğrunda canlarından keçmiş Vətən övladlarının əziz xatirəsi ehtiramla yad edilib.








