Xəbərlər
BDU-nun Geologiya fakültəsinin tələbələri Geologiya İnstitutuna ekskursiya ediblər
12/03/2026, 21:28

Bakı Dövlət Universitetinin (BDU) Geologiya fakültəsinin Tələbə Həmkarlar İttifaqı Komitəsi (THİK), “BDU könüllüləri” təşkilatı və Tələbə Elmi Cəmiyyətinin (TEC) birgə təşkilatçılığı ilə 27 Mart – Elm Gününə həsr olunmuş tədbirlər planı çərçivəsində Elm və Təhsil Nazirliyinin tabeliyində fəaliyyət göstərən Geologiya İnstitutuna ekskursiya təşkil olunub.
Ekskursiyanın əsas məqsədi tələbələrin geologiya sahəsində elmi-tədqiqat işləri ilə yaxından tanış olmalarına şərait yaratmaq, nəzəri biliklərini praktiki müşahidələrlə zənginləşdirmək və onların elmi fəaliyyətə marağını artırmaq olub.






