“Mən dünyada müəllimdən yüksək ad tanımıram”.

Heydər Əliyev
heyder eliyev

Xəbərlər

Beynəlxalq Ahıllar günü ilə əlaqədar Netfçalada 76 yaşlı müəllim ziyarət olunub

12/10/2026, 11:42
xeber1

1 Oktyabr Beynəlxalq Ahıllar günü münasibətilə “Könüllü qonağ”ın növbəti görüşü uzun illər təhsil sahəsində fəaliyyət göstərmiş, yüzlərlə şagirdin yetişməsində əvəzsiz xidmətləri olan Neftçala rayonu Kür Qarabucaq kənd ümumi orta ümumtəhsil məktəbinin təqaüddə olan riyaziyyat müəllimi Quliyev Təbiət Şirməmməd oğlunun evində baş tutub.

Məlumat üçün bildirək ki, bu gün həm də ziyalımızın 76 yaşı tamam olurdu. Bu münasibətlə görüşdə müəllimin müxtəlif illərdə təhsil verdiyi şagirdləri, təqaüddə olan həmkarları ilə yanaşı ailə üzvləri də iştirak ediblər. Onlar Təbiət müəllimin onların həyatlarında oynadığı mühüm roldan, qazandıqları uğurlarda onun zəhmətinin və verdiyi biliklərin xüsusi payından bəhs ediblər. Çıxış edənlər doğum günü münasibətilə səbəbkarı ürəkdən təbrik edərək ona möhkəm cansağlığı, uzun ömür və doğmalarının əhatəsində xoş günlər arzulayıb.

Görüş zamanı Təbiət müəllimə uzunmüddətli və nümunəvi pedaqoji fəaliyyətinə görə fəxri fərman və hədiyyə təqdim edilib.

Səmimi söhbətlər, xatirələr və xoş təəssüratlarla yadda qalan görüşün sonunda Təbiət müəllim və ailəsi ona göstərilən yüksək ehtirama və diqqətə görə ETİHİ ailəsinə təşəkkürünü bildirib. O, müəllim əməyinə verilən dəyərin sevindirici olduğunu vurğulayaraq belə görüşlərin təhsil işçiləri üçün mənəvi dəstək olduğunu qeyd edib.

Gallery Image
Gallery Image
Gallery Image
Gallery Image
Gallery Image
Gallery Image

Sosial şəbəkələrdə paylaş: