Xəbərlər
Dəyərli pedaqoqumuzun 70 illik yubileyi qeyd olunub.

Universitetimizin dəyərli əməkdaşı, uzun illər pedaqoji fəaliyyətlə məşğul olan hörmətli əməkdaşımız Fiziologiya kafedrasının dosenti, biologiya elmləri namizədi Həsənova Laura Heydər qızının 70 illik yubileyi münasibəti ilə tədbir keçirilmişdir.
Yubiley münasibəti ilə Həmkarlar İttifaqı Komitəsi tərəfindən Həsənova Laura Heydər qızı xoş sözlərlə təbrik edilmiş, ona Fəxri Fərman və gül dəstəsi təqdim olunmuşdur.
Tədbirdə çıxış edənlər yubilyarın elmə və təhsilə verdiyi töhfələrdən, yetişdirdiyi tələbələrin uğurlarından bəhs etmiş, onun yüksək insani keyfiyyətlərini xüsusi vurğulamışlar.
Bu əlamətdar gün münasibəti ilə hörmətli müəllimimizə möhkəm cansağlığı, uzun ömür və gələcək fəaliyyətində yeni uğurlar arzulayırıq.





