Xəbərlər
İdman yarışlarının mükafatlandırma mərasimi keçirilib.

Ulu öndər Heydər Əliyevin anadan olmasının 103-cü ildönümünə həsr olunan Bakı şəhərinin ümumtəhsil müəssisələrinin müəllimləri və təhsil işçiləri arasında keçirilən idman yarışlarının mükafatlandırma mərasimi təşkil olunub.Tədbirdə ETİHİ Pirallahı Rayon Komitəsinin sədri, ümumtəhsil müəssisələrinin direktorları, baş məşqçi, idman müəllimləri, eləcə də rayon turnirinin qalib iştirakçıları və komandaları iştirak ediblər.Mərasim zamanı çıxış edənlər idman yarışlarının təhsil işçiləri arasında sağlam həyat tərzinin təşviqi, kollektiv ruhun gücləndirilməsi və peşəkar həmrəyliyin inkişafı baxımından əhəmiyyətini vurğulayıblar.Qaliblərə hədiyyələr ETİHİ Pirallahı Rayon Komitəsi tərəfindən,fəxri fərmanlar isə ümumtəhsil müəssisələrinin direktorları tərəfindən təqdim olunub.Tədbir iştirakçılar tərəfindən yüksək qiymətləndirilib və səmimi ab-hava şəraitində başa çatıb.




















