Xəbərlər
Ehtiram Səmədov adına Mamaylı kənd tam orta ümumtəhsil məktəbində həmkarlar ittifaqı üzvləri ilə görüş keçirilib.

Görüşdə Azərbaycan Həmkarlar İttifaqları Konfederasiyasının, Elm və Təhsil İşçiləri Həmkarlar İttifaqı Respublika Komitəsinin və ETİHİ Qəbələ Rayon Komitəsinin gördüyü işlər, həyata keçirdiyi tədbirlər və qarşıda duran hədəflər barədə ittifaq üzvlərinə ətraflı məlumat verilib.
Görüş zamanı təhsil işçilərinin əmək hüquqlarının müdafiəsi, sosial təminat məsələləri, əməyin mühafizəsi, təhlükəsiz və sağlam iş şəraitinin yaradılması, əmək münasibətlərinin düzgün tənzimlənməsi, həmçinin həmkarlar ittifaqının üzvlərə göstərdiyi hüquqi və sosial dəstək imkanları müzakirə olunub.
Məktəb kollektivinin müraciət və təklifləri dinlənilib, onları maraqlandıran suallar cavablandırılıb.
Görüşün sonunda məktəb kollektivi 5 Oktyabr – Beynəlxalq Müəllimlər Günü münasibətilə təbrik olunub, müəllim və təhsil işçilərinə məsuliyyətli və şərəfli fəaliyyətlərində uğurlar arzulanıb.
ETİHİ Qəbələ Rayon Komitəsi təhsil işçilərinin əmək hüquqlarının müdafiəsi, sosial məsələlərinin diqqətdə saxlanılması və əmək kollektivləri ilə birbaşa əlaqələrin gücləndirilməsi istiqamətində fəaliyyətini davam etdirir.










