“Mən dünyada müəllimdən yüksək ad tanımıram”.

Heydər Əliyev
heyder eliyev

Xəbərlər

Elm və təhsil naziri Emin Əmrullayevin əmrinə əsasən Beynəlxalq Müəllimlər Günü münasibətilə ETİHİ Səbail Rayon Komitəsinin üzv təşkilatlarının müəllimləri təltif edilib

06/10/2026, 20:17
xeber1


Azərbaycan Respublikasının Prezidenti cənab İlham Əliyevin diqqət və qayğısı, həyata keçirilən strategiya və proqramların icrası nəticəsində ölkəmizdə təhsilin inkişafı sahəsində əhəmiyyətli nailiyyətlər əldə olunmuş, keyfiyyət göstəriciləri, məktəblilərimizin beynəlxalq qiymətləndirmə tədqiqatlarında və bilik yarışlarında nəticələri yüksəlmiş, dünyanın ən nüfuzlu universitetlərində təhsil almaq imkanı əldə etmiş məzunlarının sayı əhəmiyyətli şəkildə artmışdır. Bu nailiyyətlərin əldə edilməsində böyük əməyi olan müəllimlərin fəaliyyətinin qiymətləndirilməsi və stimullaşdırılması sahəsində həyata keçirilən ardıcıl tədbirlər ölkəmizdə müəllim nüfuzunun yüksəlməsinə və müəllim peşəsinə marağın əhəmiyyətli şəkildə artmasına gətirib çıxarmışdır.

Azərbaycan Respublikası Elm və təhsil naziri Emin Əmrullayevin müvafiq əmrinə əsasən, təhsilin inkişafındakı xidmətlərinə, gənc nəslin təlim-tərbiyəsi sahəsində yüksək nailiyyətlər əldə etdiklərinə görə və 5 oktyabr - Beynəlxalq Müəllimlər Günü münasibəti ilə digər təhsil işçiləri ilə birgə ETİHİ Səbail Rayon Komitəsinin üzv təşkilatları olan Bakı şəhəri Məmməd Rahim adına 7 nömrəli tam orta ümumtəhsil məktəbinin riyaziyyat müəllimi Yolçuyeva Şəhla Məhəmmədəli qızı, Bakı şəhəri Tofiq Məmmədov adına 239 nömrəli tam orta ümumtəhsil məktəbinin ibtidai sinif müəllimi Kərimova Sədiqə Mansur qızı, Bakı şəhəri 329 nömrəli tam orta ümumtəhsil məktəbinin riyaziyyat müəllimi Həşimli Şahnaz Yengibar qızı təltif edilib.

Hər il peşə bayramı ərəfəsində təhsilin inkişafında xidmətləri olan təhsil işçilərinin əməyinin qiymətləndirilməsi onları daha əzmlə fəaliyyət göstərməyə ruhlandırır.

ETİHİ Səbail Rayon Komitəsi adından 5 oktyabr - Beynəlxalq Müəllimlər Günü münasibətilə təltif olunan müəllimlərimizi səmimi təbrik edir, onlara can sağlığı, ailə firavanlığı və təhsilin inkişafında yeni uğurlar arzulayırıq!

Gallery Image
Gallery Image

Sosial şəbəkələrdə paylaş: