Xəbərlər
ETİHİ Hacıqabul Rayon Komitəsi bir qrup fəal ittifaq üzvləri ilə " İçərişəhər Dövlət Tarixi-Memarlıq Qoruğu"nda

ETİHİ Hacıqabul Rayon Komitəsi ittifaq üzvlərinin asudə vaxtını səmərəli təşkili məqsədilə İçərişəhər Dövlət Tarixi-Memarlıq Qoruğu və Qala Dövlət Tarix Etnoqrafiya Qoruğuna ekskursiya təşkil etmişdir. Tur çərçivəsində iştirakçılar İçərişəhərin bir neçə qapalı məkanlarını ziyarət etdi.
Qoşa Qala Divarlarından başlayan tur Şirvanşahlar Sarayının Yeraltı Qapalı Mərtəbəsi, Bəylər Məscidinin Minarəsi, Mühəmməd Məscidinin Qapalı Məkanı, Siratağlı Dini-Memarlıq Kompleksi və Qız Qalası Muzeyi olmaqla geniş marşrutu əhatə edirdi.Tur çərçivəsində ittifaq üzvlərini müşayət edən peşəkar bələdçi Sevda xanım İçərişəhər Dövlət Tarixi-Memarlıq Qoruğu haqqında və qorunan tarixi abidələrimizdən ətraflı məlumat verdi. Bələdçi mədəni irsimizin qorunması və təbliqi sahəsində görülən işlərdən də söhbət açdı.
Tur iştirakçıları bu gözəl günü yaşadıqları üçün ETİHİ Respublika Komitəsinin sədri
Araz Paşayev cənablarına öz minnətdarlıqlarını bildirir.












