Xəbərlər
ETİHİ Nəsimi Rayon Komitəsində 60 illik yubileylər qeyd olunub
25/05/2026, 11:33

ETİHİ Nəsimi Rayon Komitəsinin xidmətində olan ümumtəhsil məktəbləri və məktəbəqədər təhsil müəssisələrində çalışan, 60 illik yubileyini qeyd edən təhsil işçiləri təbrik olunublar.
Yubiley münasibətilə keçirilən görüşdə ETİHİ Nəsimi Rayon Komitəsinin sədri Reyhan Ocaqova yubilyarları səmimi arzularla təbrik edərək, onların təhsil sahəsində uzunillik və səmərəli fəaliyyətini yüksək qiymətləndirib. Bildirilib ki, təhsil işçilərinin əməyinə verilən dəyər və onlara göstərilən diqqət həmkarlar ittifaqının fəaliyyətində daim xüsusi yer tutur.
Tədbirin sonunda yubilyarlara ETİHİ Nəsimi Rayon Komitəsinin Fəxri Fərmanı və qiymətli hədiyyələri təqdim olunub.













