Xəbərlər
ETN əməkdaşlarının iştirakı ilə komanda quruculuğu tədbiri keçirilib
22/04/2026, 16:57

18-19 aprel tarixində Elm və Təhsil Nazirliyinin Həmkarlar İttifaqı Komitəsinin təşkilatçılığı ilə nazirliyin əməkdaşları üçün komanda quruculuğu tədbiri təşkil edilmişdir.
Elm və Təhsil İşçiləri Həmkarlar İttifaqı Respublika Komitəsinin tabeliyində olan Xaçmaz rayonunun Nabran qəsəbəsində yerləşən “Təhsil” istirahət mərkəzində keçirilən tədbirin proqramına uyğun olaraq açıq havada komanda quruculuğu oyunları və konsert proqramı təşkil olunmuşdur.
Tədbirin məqsədi əməkdaşlar arasında komanda birliyi yaratmaq, işçilərin istirahət və asudə vaxtlarını səmərəli təşkil etməkdən ibarət olmuşdur.






















