“Mən dünyada müəllimdən yüksək ad tanımıram”.

Heydər Əliyev
heyder eliyev

Xəbərlər

Goranboy rayonu Qızılhacılı qəsəbə 1 nömrəli tam orta ümumtəhsil məktəbinin kollektivi üçün Oğuz rayonuna ekskursiya təşkil olunub

16/08/2026, 10:02
xeber1

Elm və Təhsil İşçiləri Həmkarlar İttifaqı Goranboy rayon komitəsi tərəfindən 15 avqust 2026-cı il tarixində Goranboy rayonunun D. Qasımov adına Qızılhacılı qəsəbə 1 nömrəli tam orta ümumtəhsil məktəbinin kollektivi üçün Oğuz rayonuna birgünlük ekskursiya təşkil olunub. Ekskursiyanın məqsədi kollektiv üzvlərinin asudə vaxtının səmərəli təşkili, mənəvi istirahətlərinin təmin olunması, həmçinin Oğuz rayonunun zəngin təbiəti və turizm imkanları ilə yaxından tanış olmaları olub. Səfər zamanı iştirakçılar Oğuz rayonunun mənzərəli təbiət guşələrini və istirahət məkanlarını ziyarət edərək, saf dağ havasından, yaşıllıqlarla əhatə olunmuş ərazilərdən və rayonun özünəməxsus təbii gözəlliklərindən zövq alıblar. Təbiət qoynunda keçirilən gəzinti kollektiv üzvlərinə xoş ovqat bəxş edib və onların yaddaqalan istirahət keçirməsinə şərait yaradıb. Ekskursiya iştirakçılar tərəfindən böyük məmnunluqla qarşılanıb. Kollektiv üzvləri səfərin təşkilinə və yaradılan şəraitə görə təşəkkürlərini bildirərək, belə tədbirlərin həm asudə vaxtın səmərəli təşkilinə, həm də kollektiv daxilində qarşılıqlı münasibətlərin və həmrəyliyin möhkəmlənməsinə müsbət təsir göstərdiyini qeyd ediblər.

Gallery Image
Gallery Image

Sosial şəbəkələrdə paylaş: