Xəbərlər
Hacıqabulda “ 5 Mart –Bədən Tərbiyəsi və İdman Günü”nə həsr olunmuş tədbiri.

ETİHİ Hacıqabul Rayon Komitəsinin və Uşaq Gənclər İdman Şahmat Məktəbinin birgə təşkilatçılığı ilə “ 5 Mart –Bədən Tərbiyəsi və İdman Günü”nə həsr olunmuş tədbir keçirildi.
Tədbirdə ETİHİ Hacıqabul Rayon Komitəsinin sədri Kifayət Əmirbəyova, Hacıqabul rayonu üzrə Gənclər və İdman Sektorunun müdiri Xalid Rəcəbli, 2025/26 -cı tədris ilində idman sahəsində nailiyyətlər qazanmış ümumtəhsil məktəblərinin fiziki tərbiyə müəllimləri və idman həvəskarları iştirak etdi.
ETİHİ Hacıqabul Rayon Komitəsinin sədri tədbir iştirakçılarını və qonaqları bayram münasibəti ilə təbrik edərək,ölkə rəhbərliyinin idmana böyük diqqət və qayğı göstərməsini xüsusi ilə vurğuladı.Sonra idman sahəsində qazandığı nailiyyətlərə görə bir qrup məşqçi -müəllim Diplom və pul mükafatı ilə təltif edildi.Tədbir məktəbli şagirdlərin nümunəvi çıxışlarları ilə davam etdi.










