Xəbərlər
Hacıqabulda Anım Günü tədbirində şəhid ailəsi ziyarət olunub.

Anım Günü ilə əlaqədar olaraq, ETİHİ Hacıqabul Rayon Komitəsinin sədri Hacıqabul şəhəri 2 nömrəli “Gündüz” körpələr evində keçirilən tədbirdə iştirak etdi.
Tədbir zamanı balacalar Vətənə, şəhidlərimizin əziz xatirəsinə və doğma torpağımıza olan sevgilərini çəkdikləri rəsmlər və söylədikləri şeirlərlə ifadə etdilər.
Tədbirdə şəhid Bələdov Ruslan Allahyar oğlunun anası və körpələr evində təhsil alan kiçik qardaşı da iştirak edirdi. Şəhidimizin kiçik qardaşının tədbirdə şeir söyləməsi tədbirə xüsusi duyğulu anlar qatdı.
Balacaları sevindirmək məqsədilə onlara kiçik hədiyyələr təqdim edildi. Uşaqların üzündəki sevinc və təbəssüm tədbirə xüsusi rəng qatdı.
Şəhidlərimizi dərin ehtiram və sonsuz minnətdarlıqla anırıq!
Allah şəhidlərimizə rəhmət eləsin!











