Xəbərlər
Həmkarlar ittifaqı üzvləri üçün birgünlük gəzinti-istirahət turu təşkil olunub..
26/06/2026, 15:11

Samux rayon Zazalı kənd tam orta məktəbinin Həmkarlar İttifaqı Komitəsinin təşkilatçılığı ilə məktəbin ittifaq üzvləri üçün Azərbaycanın dilbər guşələrinə birgünlük gəzinti-istirahət turu təşkil edilmişdir.
Gərgin və səmərəli keçən tədris ilinin ardından müəllim və texniki heyətin asudə vaxtının səmərəli təşkili, kollektiv daxilində komanda ruhunun gücləndirilməsi və işgüzar motivasiyanın artırılması məqsədilə baş tutan bu səyahət olduqca maraqlı anlarla yadda qalıb. Tur iştirakçıları ölkəmizin füsunkar təbiəti, tarixi və mədəni abidələri ilə yaxından tanış olub, təbiət qoynunda xoş istirahət ediblər.




