Xəbərlər
Həmkarlar İttifaqından növbəti ekskursiya.

Elm və Təhsil İşçiləri Həmkarlar İttifaqı Bərdə Rayon Komitəsinin təşkilatçılığı ilə Bərdə şəhəri 4 nömrəli körpələr evi–uşaq bağçasının kollektivi üçün Qəbələ–Şəki ekskursiyası təşkil olunub
Elm və Təhsil İşçiləri Həmkarlar İttifaqı Bərdə Rayon Komitəsinin təşkilatçılığı ilə Bərdə şəhəri 4 nömrəli körpələr evi–uşaq bağçasının kollektivi üçün Qəbələ və Şəki rayonlarına birgünlük ekskursiya təşkil olunub.
Ekskursiyanın məqsədi təhsil işçilərinin asudə vaxtının səmərəli təşkili, onların sosial rifahının dəstəklənməsi, mənəvi istirahətinin təmin edilməsi və kollektiv üzvləri arasında həmrəyliyin daha da möhkəmləndirilməsi olub.
Səfər çərçivəsində iştirakçılar Qəbələ və Şəki rayonlarının zəngin təbiəti, tarixi-mədəni irsi və görməli məkanları ilə yaxından tanış olub, xoş və yaddaqalan anlar yaşayıblar.
Ekskursiya iştirakçıları onlar üçün yaradılan bu maraqlı istirahət və səyahət imkanına görə Elm və Təhsil İşçiləri Həmkarlar İttifaqı Bərdə Rayon Komitəsinə təşəkkürlərini bildirərək, bu cür sosial yönümlü tədbirlərin gələcəkdə də davam etdirilməsini arzulayıblar.





