Xəbərlər
İ.Həsənov adına İsmayıllı şəhər 1 nömrəli tam orta ümumtəhsil məktəbində Şəhid Həşim Həşimovun adına hazırlanmış sinif otağının açılış mərasimi keçirildi.

01.11.2025-ci il tarixində ETİHİ İsmayıllı Rayon Komitəsinin ilk təşkilatı olan İ.Həsənov adına İsmayıllı şəhər 1 nömrəli tam orta ümumtəhsil məktəbində Şəhid Həşim Həşimovun adına hazırlanmış sinif otağının açılış mərasimi keçirildi.
Tədbirdə Şəhid ailələri,İsmayıllı Rayon İcra Hakimiyyətinin nümayəndəsi Nəsimi Teymurov, İsmayıllı Rayon Təhsil Sektorunun müdiri Rəşid Məmmədov, ETİHİ İsmayıllı Rayon Komitəsinin sədri Hafiz Kərimov, məktəbin direktoru Gündüz Qədirov və digər idarə və təşkilatların nümayəndələri iştirak etdilər.
Şagirdlərin ifası dinlənildikdən sonra, Şəhidin əziz xatirəsinə həsr olunmuş video-rolik izlənildi. Şəhid Həşim Həşimova dərs demiş müəllimləri, sinif yoldaşları onunla bağlı olan əziz xatriələrini bölüşdülər.
Şəhidlər Ölməz, Vətən bölünməz!
Allah bütün Şəhidlərimizə rəhmət eləsin.















