Xəbərlər
Heydər Əliyevin anadan olmasının 103-cü ildönümünə həsr olunmuş şahmat və dama yarışı keçirildi

242 №-li tam orta məktəbdə Ümummilli lider Heydər Əliyevin anadan olmasının 103-cü ildönümü münasibətilə keçirilən tədbirlər çərçivəsində Nizami rayonunda yerləşən ümumi təhsil müəssisələrinin təhsil işçiləri arasında şahmat və dama üzrə rayon yarışı təşkil olunmuşdur.
Yarışı ETİHİ Nizami Rayon Komitəsinin sədri Sübut Əsədov açaraq tədbirin əhəmiyyətindən danışmışdır. Qeyd edilmişdir ki, yarışın əsas məqsədi Ümummilli liderin zəngin dövlətçilik irsinin təbliği, təhsil işçiləri arasında həmrəyliyin möhkəmləndirilməsi, sağlam həyat tərzinin təşviqi və intellektual idman növlərinə marağın artırılmasıdır.
Təhsil işçilərinin fəal iştirakı ilə keçirilən yarış yüksək təşkilatçılıq səviyyəsində, sağlam rəqabət və qarşılıqlı hörmət şəraitində baş tutmuşdur. İştirakçılar öz bilik və bacarıqlarını nümayiş etdirərək maraqlı və gərgin mübarizə aparmışlar.
Yarışın nəticələri
Şahmat (kişilər):
I yer – 242 nömrəli tam orta məktəb – Əliyev Elçin Novruz
II yer – 129 nömrəli tam orta məktəb – Əmiraslanov Fuad Şahvələd
III yer – 145 nömrəli tam orta məktəb – Hacıyev Ruslan Zibeyir
Şahmat (qadınlar):
I yer – 61 nömrəli tam orta məktəb – Muradova Gülay Ulduzxan
II yer – 238 nömrəli tam orta məktəb – Quliyeva Şəlalə Sabir
III yer – 229 nömrəli tam orta məktəb – Məmmədova Nərgiz Abbas
Dama (kişilər):
I yer – Kimya-Biologiya Təmayüllü Lisey – İbrahimov Əlyar Məmməd oğlu
II yer – 201 nömrəli tam orta məktəb – Vəliyev Namizəd Hacıəhməd
III yer – 210 nömrəli tam orta məktəb – Sultanov Pərviz Daşdəmir
Dama (qadınlar):
I yer – 129 nömrəli tam orta məktəb – Əliyeva Elduzə Camal
II yer – 238 nömrəli tam orta məktəb – Fərəcli Narxanım Mahir
III yer – 109 nömrəli tam orta məktəb – Axundova Hicran Aprel
Tədbir Ümummilli liderin əziz xatirəsinə ehtiramın ifadəsi olmaqla yanaşı, təhsil işçiləri arasında birlik və idman ruhunun daha da möhkəmlənməsinə xidmət etmişdir.














