“Mən dünyada müəllimdən yüksək ad tanımıram”.

Heydər Əliyev
heyder eliyev

Xəbərlər

LƏNKƏRANDA YADDA QALAN BİR GÜN

30/06/2026, 15:02
xeber1

ETİHİ Yasamal Rayon Komitəsinin təşkilatçılığı ilə 93 saylı uşaq bağçasının ittifaq üzvləri üçün Lənkəran şəhərinə bir günlük səfər təşkil olunub.

Azərbaycanın cənub bölgəsinin füsunkar guşələrindən olan Lənkəran öz zəngin təbiəti, əsrarəngiz mənzərələri və özünəməxsus ab-havası ilə ittifaq üzvlərində xoş təəssüratlar yaradıb. Səfər çərçivəsində ittifaq üzvləri şəhərin görməli məkanlarını ziyarət edib, Lənkəranın təbii gözəllikləri və mədəni irsi ilə yaxından tanış olublar.

Təşkil olunan səfər ittifaq üzvlərinin asudə vaxtlarının səmərəli təşkilinə, gündəlik iş fəaliyyətindən bir qədər uzaqlaşaraq mənalı istirahət etmələrinə və həmkarları ilə daha sıx ünsiyyət qurmalarına əlverişli şərait yaradıb. Səfər ərzində keçirilən səmimi söhbətlər, bölüşülən xoş anlar və çəkilən xatirə şəkilləri kollektiv üzvləri arasında birlik və həmrəyliyin daha da möhkəmlənməsinə töhfə verib.

Lənkəranın yaşıllıqlarla zəngin təbiəti, Xəzər dənizinin sahilində yerləşən füsunkar mənzərələri və qonaqpərvərliyi ittifaq üzvlərində dərin təəssürat yaradıb. Bu səfər onlara həm gözəl istirahət, həm də ölkəmizin zəngin təbiətini və mədəni irsini daha yaxından tanımaq imkanı qazandırıb.

Səfərin sonunda ittifaq üzvləri onlar üçün yaradılan bu gözəl imkana, göstərilən diqqət və qayğıya, eləcə də səfərin yüksək səviyyədə təşkilinə görə Azərbaycan Həmkarlar İttifaqları Konfederasiyası və Elm və Təhsil İşçiləri Həmkarlar İttifaqı rəhbərliyinə səmimi minnətdarlıqlarını bildirib, bu cür tədbirlərin kollektiv daxilində həmrəyliyin güclənməsinə mühüm töhfə verdiyini vurğulayıblar.

Sosial şəbəkələrdə paylaş: