Xəbərlər
MDU-da şəhid Turan Məhərrəmovun xatirəsinə həsr olunan tədbir keçirilib

Mingəçevir Dövlət Universitetində şəhid Turan Məhərrəmovun əziz xatirəsinə həsr olunmuş anım tədbiri və “Ölməz Sevginin Dastanı: Turanın Sayıbı” kitabının təqdimatı keçirilib.
Tədbirdə universitet rəhbərliyi, akademik-inzibati heyət, tələbələr, şəhid ailələrinin üzvləri və ictimaiyyət nümayəndələri iştirak ediblər. Çıxışlarda şəhidlərin xatirəsinin yaşadılmasının, gənc nəslin vətənpərvərlik ruhunda tərbiyə olunmasının və milli-mənəvi dəyərlərin qorunmasının əhəmiyyəti vurğulanıb.
Tədbir çərçivəsində şəhid Turan Məhərrəmovun həyat və döyüş yolundan bəhs edən videoçarx nümayiş etdirilib, “Ölməz Sevginin Dastanı: Turanın Sayıbı” kitabının təqdimatı keçirilib və bədii proqram təqdim olunub.
Anım tədbiri iştirakçılar tərəfindən şəhidlərin əziz xatirəsinə ehtiramın ifadəsi, milli həmrəyliyin və vətənpərvərlik dəyərlərinin təbliği baxımından əhəmiyyətli tədbir kimi dəyərləndirilib.








