“Mən dünyada müəllimdən yüksək ad tanımıram”.

Heydər Əliyev
heyder eliyev

Xəbərlər

Müəllimlər Günü Azərbaycan Dövlət Pedaqoji Kollecində Qeyd Edilib

04/10/2026, 12:50
xeber1

​Elm və Təhsil İşçiləri Həmkarlar İttifaqı Yasamal Rayon Komitəsinin təşkilatçılığı ilə fəaliyyət dairəsinə daxil olan Azərbaycan Dövlət Pedaqoji Kollecində 5 Oktyabr – Beynəlxalq Müəllimlər Günü münasibətilə bayram tədbiri keçirilib. Tədbirdə təhsil müəssisəsinin nümayəndələri, ETİHİ Yasamal Rayon Komitəsinin heyəti və pedaqoji kollektiv iştirak ediblər.

​Tədbir iştirakçıları əvvəlcə Ümummilli Lider Heydər Əliyevin və ölkəmizin ərazi bütövlüyü uğrunda canlarından keçmiş şəhidlərimizin əziz xatirəsini bir dəqiqəlik sükutla yad ediblər.

​Tədbiri giriş sözü ilə açan kollecin direktoru Amalya Sezgin pedaqoji heyəti əlamətdar gün münasibətilə təbrik edib. Çıxışında müəllim əməyinin məsuliyyətindən bəhs edən direktor, təlim-tərbiyə prosesində pedaqoji heyətin fəaliyyətini vurğulayıb.

​ETİHİ Yasamal Rayon Komitəsinin sədri Rövşən İbrahimli çıxış edərək təhsil işçilərinin fəaliyyətindən və Həmkarlar İttifaqının gördüyü işlərdən söz açıb. R.İbrahimli bildirib ki, ittifaq təhsil işçilərinin sosial-əmək hüquqlarının müdafiəsi və təşkilati dəstəyin göstərilməsi istiqamətində işləri davam etdirir.

​Daha sonra Həmkarlar İttifaqı ilk təşkilatının sədri Svetlana Əhmədova çıxış edərək kollektivdəki həmrəylikdən danışıb, ittifaq üzvlərinin sosial məsələlərinin diqqət mərkəzində saxlanıldığını qeyd edib.

​Təlim-tərbiyə prosesindəki fəaliyyətinə görə bir qrup təhsil işçisinə ETİHİ Yasamal Rayon Komitəsinin Fəxri Fərmanları və xatirə hədiyyələri təqdim olunub.

​Sonda kollektiv bayram münasibətilə təşkil olunan tədbirə görə təşəkkürünü bildirib.

​ETİHİ Yasamal Rayon Komitəsi olaraq bütün təhsil işçilərini 5 Oktyabr – Beynəlxalq Müəllimlər Günü münasibətilə təbrik edir, onlara fəaliyyətlərində uğurlar arzulayır!

Gallery Image
Gallery Image
Gallery Image
Gallery Image
Gallery Image
Gallery Image
Gallery Image
Gallery Image

Sosial şəbəkələrdə paylaş: