Xəbərlər
Neftçala məktəblərində "Bilik günü" keçirilib
24/09/2026, 09:13

15 sentyabr – Bilik Günü münasibətilə yeni tədris ilinə qədəm qoyan birinciləri təbrik etmək, onların ilk məktəb həyəcanına şərik olmaq üçün Neftçala rayonunun Həsənabad qəsəbə 2 nömrəli tam orta və Kürkənd kənd ümumi orta ümumtəhsil məktəblərində olduq.
İlk dəfə məktəb astanasından keçən balacaları kiçik hədiyyələrlə və onların dəyərli müəllimlərini isə gül dəstələri ilə təbrik etdik.
Balacaların söylədikləri şeirlər, oxuduqları mahnılar və üzlərindəki sevinc məktəbin ilk gününə xüsusi gözəllik qatdı.
Hər bir birincinin məktəb yolu uğurlu, arzuları böyük, gələcəyi parlaq olsun!









