Xəbərlər
Neftçalada təhsil işçiləri üçün Qəbələ-İsmayıllı rayonlarına ekskursiya təşkil olunub
04/06/2026, 14:21

ETİHİ Neftçala rayon Komitəsinin təşəbbüsü ilə Bəhruz Həşimov adına Boyat kənd tam orta ümumtəhsil məktəbinin kollektivi üçün Qəbələ-İsmayıllı rayonlarına ekskursiyası təşkil olunub. Səfər zamanı iştirakçılar Qəbələnin görməli və tarixi məkanları ilə tanış olub, maraqlı və yaddaqalan anlar yaşayıblar.
Ekskursiyanın əsas məqsədi həmkarlar arasında birlik, bərabərlik, qarşılıqlı hörmət və mehriban münasibətlərin daha da möhkəmləndirilməsi, kollektiv ruhunun gücləndirilməsi olub. Səfər iştirakçılar tərəfindən böyük məmnunluqla qarşılanıb və xoş təəssüratlarla yadda qalıb.










