Xəbərlər

Novruz bayramı münasibətilə Şabran rayonu üzrə ümumtəhsil məktəblərində çalışan bir qrup təhsil işçilərinə Elm və Təhsil İşçiləri Həmkarlar İttifaqı (ETİHİ) Respublika Komitəsi tərəfindən təşkil olunmuş bayram hədiyyələri təqdim edilib.

Bayram hədiyyələrinin verilməsi müəllim və təhsil sahəsində çalışan digər ittifaq üzvlərinin əməyinə verilən qiymətin təzahürü olmaqla yanaşı, onların sosial rifahının yaxşılaşdırılmasına yönəlmiş humanist addımlardan biridir. Tədbir çərçivəsində həmkarlar ittifaqının yerli təşkilatları ilə birlikdə seçilmiş üzvlərə bayram sovqatları təqdim olunub.

Tədbir iştirakçıları göstərilən diqqət və qayğıya görə ETİHİ Respublika Komitəsinə təşəkkürlərini bildiriblər, belə təşəbbüslərin gələcəkdə də davam etdiriləcəyinə ümid etdiklərini qeyd ediblər.

Bu cür sosial yönümlü tədbirlər həm müəllimlərin əhval-ruhiyyəsinə müsbət təsir göstərir, həm də onların peşə fəaliyyətinə olan motivasiyanı artırır.