Xəbərlər
Qobustan rayonunda Beynəlxalq Müəllimlər Günü münasibətilə tədbir keçirilib
5 Oktyabr Beynəlxalq Müəllimlər Günü münasibəti ilə ETİHi Qobustan rayon komitəsinin təşkilatçılığı ilə tədbir keçirildi.
Tədbirdə YAP Qobustan rayon təşkilatının sədri Qasım Qasımov , Səfərbərlik və Hərbi Xidmətə Çağırış üzrə Dövlət Xidmətinin Qobustan rayon bölməsinin rəisi mayor Samil Əzizov , ETİHİ Qobustan rayon komitəsinin sədri Mahir Soltanov, şəhid ailə üzvü olan müəllimlər, Qobustan rayonunun ümumtəhsil məktəblərində çalışan təhsil işçiləri və qonaqlar iştirak etdilər.
Tədbir Azərbaycan Respublikasının Dövlət Himninin səsləndirilməsi və ölkəmizin ərazi bütövlüyü uğrunda canlarından keçmiş şəhidlərimizin əziz xatirəsinin bir dəqiqəlik sükutla yad edilməsi ilə başlandı.
Tədbirdə çıxış edən natiqlər müəllimləri 5 Oktyabr Beynəlxalq Müəllimlər Günü münasibəti ilə təbrik etdilər və onlara gələcək fəaliyyətlərində uğurlar arzuladılar.
Elm və Təhsil İşçiləri Həmkarlar ittifaqı Respublika Komitəsinin sədri cənab Araz Paşayevin təbrikləri müəllimlərə çatdırıldı.
Tədbir rəngarəng müsiqi nömrələri ilə davam etdi. Sonda müəllimlərə 5 Oktyabr Müəllimlər Günü münasibəti ilə hədiyyələr təqdim olundu.
