Xəbərlər

Şabran rayon Aygünlü kənd tam orta ümumtəhsil məktəbinin Texnologiya müəllimi, İsayeva Səlimə Məmmədşah qızının 65 yaşına qədəm qoyması münasibətilə Elm və Təhsil İşçiləri Həmkarlar İttifaqı Şabran rayon Komitəsi tərəfindən təltif edilib. Müəllimə, uzun illər ərzində təhsil sahəsindəki müstəsna xidmətlərinə görə fəxri-fərman və qiymətli hədiyyələrlə mükafatlandırılıb.

İsayeva Səlimə müəllimənin məktəbdə və cəmiyyətdə qazandığı nüfuz, gənc nəsillərin yetişməsindəki əvəzsiz rolu bir daha vurğulanıb. Tədbirdə çıxış edənlər, onun hər zaman şagirdlərinə həm də mənəvi dəstək verdiyini və təhsildəki əzmkarlığını xüsusi qeyd ediblər.

Müəllimə Səlimə İsayeva bu yubiley münasibətilə göstərilən diqqət və təşəkkürlərə görə çox məmnunluq hissi keçirib. O, hər zaman təhsil işçilərinə dəstək verən Elm və Təhsil İşçiləri Həmkarlar İttifaqına və sədr cənab Araz Paşayevə minnətdarlığını bildirib.

Biz də müəlliməmizi təbrik edir, ona uzun ömür, möhkəm can sağlığı və gələcək işlərində daha böyük uğurlar arzu edirik!