Xəbərlər
Şamaxıda 1 İyun – Uşaqların Beynəlxalq Müdafiəsi Günü münasibətilə şəhid övladları ilə görüş keçirilib

1 İyun – Uşaqların Beynəlxalq Müdafiəsi Günü münasibətilə ETİHİ Şamaxı Rayon Komitəsi və Dağlıq Şirvan Regional Təhsil İdarəsinin birgə təşkilatçılığı ilə şəhid övladları ilə mənalı görüş təşkil olunub.
Tədbir uşaqlar üçün xüsusi bayram ab-havasında keçmiş, onlar diqqət və qayğı ilə əhatə olunmuşlar. Görüş zamanı şəhid övladlarına bayram hədiyyələri təqdim edilmiş, onların sevinc dolu anlar yaşaması üçün müxtəlif fəaliyyətlər təşkil olunmuşdur. Tədbirə qatılan rəhbərlik və kollektiv uşaqları bu əlamətdar gün münasibətilə təbrik edərək, onlara sağlam, xoşbəxt və parlaq gələcək arzulamışdır.
Səmimi və emosional anlarla yadda qalan görüş, şəhid ailələrinə göstərilən yüksək diqqətin təzahürü kimi dəyərləndirilmiş və onların daim dövlətin və cəmiyyətin qayğısı ilə əhatə olunduğu bir daha vurğulanmışdır. Bu təşəbbüs təkcə uşaqlara sevinc bəxş etməklə kifayətlənməmiş, həm də cəmiyyətin mənəvi dəyərlərə, şəhid ailələrinə olan ehtirama verdiyi önəmi bir daha ön plana çıxarmışdır.




