Xəbərlər
Şamaxıda 26 İyun – Silahlı Qüvvələr Günü münasibətilə tədbir keçirilib

26 İyun – Silahlı Qüvvələr Günü münasibətilə ETİHİ Respublika Komitəsinin dəstəyi və Şamaxı Rayon Komitəsinin təşkilatçılığı ilə geniş tədbir keçirilmişdir.
Tədbirdə Şamaxı Rayon İcra Hakimiyyətinin başçısı Tahir Məmmədov, YAP Şamaxı rayon təşkilatının sədri Tural Qasımlı, Dağlıq Şirvan Regional Təhsil İdarəsinin müdiri Ramin Abbasov, eləcə də şəhid ailələri, qazilər və Vətən müharibəsi iştirakçıları iştirak etmişlər.
İlk olaraq Ümummilli Lider Heydər Əliyevin abidəsi ziyarət edilmiş, onun əziz xatirəsi dərin ehtiramla yad olunmuşdur.
Tədbir çərçivəsində şəhid ailələri, qazilər və müharibə iştirakçıları Fəxri Fərman və hədiyyələrlə təltif olunmuş, onların Vətənə göstərdikləri misilsiz xidmətlər yüksək qiymətləndirilmişdir.







