Xəbərlər
Samux rayonunda Azərbaycan xalqının qan yaddaşı olan Xocalı soyqırımının 34-cü ildönümü ilə əlaqədar anım tədbiri keçirilib
26/02/2026, 14:30

Tədbirdə Samux Rayon İcra Hakimiyyətinin başçısı Firdovsi Əliyev, şəhid ailələri, qazilər, təhsil işçiləri, Samux rayonu üzrə təhsil sektorunun və ETİHİ Samux rayon Komitəsinin əməkdaşları iştirak ediblər.
Tədbir iştirakçıları Samux şəhərində yerləşən Şəhidlər Kompleksini ziyarət edərək abidə önünə gül dəstələri düzüb, Xocalı soyqırımı qurbanlarının əziz xatirəsini dərin ehtiramla yad ediblər.
Saat 17:00-da Samux rayonu ərazisində avtomobil yollarında nəqliyyatın hərəkəti dayandırılıb, Xocalı soyqırımı qurbanlarının xatirəsi bir dəqiqəlik sükutla anılıb.






