Xəbərlər
Suparibağ kənd məktəbində yubiley münasibətilə tədbir keçirildi
19/03/2026, 18:16

19.03.2026-cı il tarixində Astara rayonu Aqşin Hüseynov adına Suparibağ kənd tam orta ümumtəhsil məktəbinin texniki işçisi Əhmədova Turac Ağakişi qızının 60 illik yubileyi münasibətilə məktəbdə tədbir keçirilmişdir.
Tədbirdə çıxış edənlər Turac xanımı yubileyi münasibətilə səmimi-qəlbdən təbrik edərək ona möhkəm can sağlığı, uzun ömür və gələcək həyatında xoşbəxtlik arzulamışlar. Onun uzun illər ərzində məktəbdə göstərdiyi zəhmət, məsuliyyətli fəaliyyəti və kollektiv arasında qazandığı hörmət xüsusi qeyd olunmuşdur.
Sonda Elm və Təhsil İşçiləri Həmkarlar İttifaqı Astara Rayon Komitəsi tərəfindən Turac xanıma xatirə hədiyyəsi təqdim edilmişdir.










