Xəbərlər
Təhsil işçiləri üçün ekskursiya təşkil olundu

Elm və Təhsil İşçiləri Həmkarlar İttifaqı Ağdam Rayon Komitəsinin təşkilati dəstəyi ilə Ağdam rayon Hafiz Əsgərov adına Quzanlı qəsəbə tam orta ümumtəhsil məktəbinin kollektivi Azərbaycanın füsunkar və zəngin təbiətə malik bölgələrindən olan Göygöl rayonuna ekskursiya səfəri həyata keçirib.
Səfərin məqsədi təhsil işçilərinin asudə vaxtının səmərəli təşkili, kollektiv üzvləri arasında həmrəyliyin möhkəmləndirilməsi, eyni zamanda ölkəmizin tarixi, mədəni və turizm potensialı ilə yaxından tanışlıq olub.
Ekskursiya zamanı iştirakçılar Göygölün görməli yerlərini ziyarət edib, rayonların zəngin təbiəti, tarixi-mədəni irsi və turizm məkanları haqqında ətraflı məlumat əldə ediblər. Səfər iştirakçılar tərəfindən böyük maraq və məmnunluqla qarşılanıb.
ETİHİ Ağdam Rayon Komitəsi tərəfindən təhsil işçilərinin sosial rifahının yaxşılaşdırılması, asudə vaxtlarının səmərəli təşkili və mənəvi istirahətlərinin təmin olunması istiqamətində tədbirlər bundan sonra da davam etdiriləcəkdir.



