Xəbərlər
Ulu Öndərin əziz xatirəsi ADPU kollektivi tərəfindən dərin ehtiramla yad olunub.
07/05/2026, 12:40

07.05.2026-cı il tarixində Azərbaycan Dövlət Pedaqoji Universitetinin rəhbər heyəti və kollektivi Həmkarlar İttifaqı Komitəsinin iştirakı ilə Azərbaycan xalqının Ümummilli Lideri Heydər Əliyevin əziz xatirəsinin dərin ehtiramla yad edilməsi ilə əlaqədar Fəxri Xiyabanı ziyarət edib. Ulu Öndərin məzarı önünə əklil və qızılgüllər qoyulub.
Ziyarət zamanı dahi dövlət xadiminin Azərbaycan dövlətçiliyinin möhkəmlənməsi, milli-mənəvi dəyərlərin qorunması və ölkəmizin inkişafı naminə göstərdiyi misilsiz xidmətləri minnətdarlıq hissi ilə xatırlanıb.
Ulu Öndərin əziz xatirəsi daim hörmət və ehtiramla anılır.





