Xəbərlər
Ümummilli Lideri Heydər Əliyevin anadan olmasının 103-cü ildönümü münasibətilə “Bacarıqlı Əllər” adlı sərgi təşkil edildi

Azərbaycan xalqının Ümummilli Lideri Heydər Əliyevin anadan olmasının 103-cü ildönümü münasibətilə Astara rayon Ərçivan qəsəbəsi Fuad Qasımov adına 1
saylı tam orta ümumtəhsil məktəbində “Bacarıqlı Əllər” adlı sərgi təşkil olunmuşdur.
Məktəbin texnologiya müəllimi Nargilə Əsədovanın təşkilatçılığı ilə keçirilən sərgidə şagirdlərin müxtəlif əl işləri, yaradıcı təfəkkürlərini və estetik dünyagörüşlərini əks etdirən nümunələr nümayiş etdirilmişdir. Tədbir iştirakçıları tərəfindən böyük maraqla qarşılanan sərgi şagirdlərin istedad və bacarıqlarının üzə çıxarılması baxımından xüsusi əhəmiyyət kəsb etmişdir.
Tədbirdə Astara rayonu üzrə təhsil sektorunun müdiri Xədicə Əliyeva, Elm və Təhsil İşçiləri Həmkarlar İttifaqı Astara Rayon Komitəsinin sədri Cabir Hüseynov, həmçinin Astara rayon Ərçivan qəsəbə icra nümayəndəsi Dadaş Diyarov iştirak etmiş, sərgidə nümayiş olunan əl işləri ilə yaxından tanış olmuşlar.











