Xəbərlər
UNEC Tələbə Həmkarlar İttifaqı Komitəsinin (THİK) təşkilatçılığı ilə 8 Mart – Beynəlxalq Qadınlar Günü münasibətilə xanım tələbələr üçün tədbir təşkil olunub

Tədbirdə çıxış edən UNEC THİK-in sədri İlkan Əliyev xanım tələbələri bu əlamətdar gün
münasibətilə təbrik edib, qadınların cəmiyyətin inkişafında, sosial və ictimai həyatda oynadıqları
mühüm roldan bəhs edib. O qeyd edib ki, qadınlar hər zaman ailə dəyərlərinin qorunmasında,
gələcək nəslin sağlam və vətənpərvər ruhda yetişdirilməsində mühüm missiya daşıyırlar.
İ.Əliyev bildirib ki, 8 Mart dünyada qadınlara hörmət və ehtiramın ifadə olunduğu, onların
hüquqlarının müdafiəsi və cəmiyyətdəki rolunun daha da gücləndirilməsi baxımından xüsusi
əhəmiyyət kəsb edən günlərdən biridir. Bu günün qeyd olunması qadınların müxtəlif sahələrdə
əldə etdikləri uğurların təbliği və gender bərabərliyinin təşviqi baxımından da mühüm rol
oynayır.
Sonda xanım tələbələrə xoş arzularını çatdıran sədr onların təhsil və ictimai fəaliyyətlərində daha
böyük uğurlar qazanacaqlarına inandığını bildirib və UNEC-in tələbə təşkilatlarının xanım
rəhbərləri, THİK-in fakültə sədrləri və fəal xanım üzvlərinə hədiyyələr təqdim olunub.
































