Xəbərlər
Voleybol idman növü üzrə rayon turniri keçirilib.

28 oktyabr 2026-cı il tarixdə Elm və Təhsil İşçiləri Həmkarlar İttifaqı Beyləqan Rayon Komitəsinin, Mil-Muğan Regional Təhsil İdarəsi, Beyləqan Rayon Təhsil Sektorunun və Mil-Muğan Regional Gənclər və İdman İdarəsinin Beyləqan rayonu üzrə gənclər və idman sektorunun birgə təşkilatçılığı ilə Beyləqan şəhər ümumtəhsil məktəblərinin IX-XI sinif qız şagirdləri arasında valeybol üzrə rayon turniri keçirilib.
Turnirin məqsədi məktəblilər arasında voleybolun inkişafına dəstək vermək, sağlam həyat tərzini təbliğ etmək və komanda ruhunu gücləndirmək olub.
Turnirin nəticələrinə əsasən:
I yer – Beyləqan şəhəri Elbrus Bayramov adına Təbiət və Humanitar fənlər təmayüllü liseyin komandası,
II yer-Beyləqan şəhər M.Mehdizadə adına şəhər 3 nömrəli tam orta ümumtəhsil məktəbinin komandası,
III yerin qalibi isə– Beyləqan şəhəri N.Allahverdiyev adına 1 nömrəli tam orta ümumtəhsil məktəbinin komandası olmuşdur.
Qalib komandalar fəxri fərman və diplomlarla təltif olunmuşdur.










