Xəbərlər
WFID VII çərçivəsində UNEC-də THİK təşkilatçılığı ilə maarifləndirici seminar keçirildi.

23 oktyabr tarixində WFID VII beynəlxalq tədbiri çərçivəsində Azərbaycan Dövlət İqtisad
Universitetində (UNEC) Tələbə Həmkarlar İttifaqı Komitəsinin təşkilarçılığı ilə "Azərbaycan müasir
beynəlxalq münasibətlərdə: iqtisadi diplomatiya və mədəniyyətlərarası dialoq”mövzusunda seminar
keçirildi.
Seminarda siyasi iqtisad üzrə fəlsəfə doktoru (PhD), diplomatik rütbəsi birinci dərəcəli müşavir olan Dr.
Fikrət Paşayev,UNEC Tələbə Həmkarlar İttifaqı Komitəsinin sədr müavini Günay Ağazadə və fəal
tələbələ iştirak edib.Fikrət Paşayev çıxış edərək müasir beynəlxalq münasibətlərdə Azərbaycanın
mövqeyi, iqtisadi diplomatiyanın əhəmiyyəti və mədəniyyətlərarası dialoqun rolu haqqında fikirlərini
iştirakçılarla bölüşdü.Tədbir çərçivəsində UNEC Maliyyə və Mühasibat fakültəsinin THİK sədr müavini
Aytac Kərimova çıxış edərək layihənin əhəmiyyətindən və gənclərin beynəlxalq münasibətlər,
diplomatiya və qlobal əməkdaşlıq sahələrində inkişafının vacibliyindən bəhs etdi.Tələbələrin bilik və
dünyagörüşünün genişləndirilməsinə, onların aktual beynəlxalq mövzular ətrafında fikir mübadiləsi
aparmasına imkan yaradan seminar interaktiv müzakirələrlə yadda qaldı.Dəyərli biliklərini və təcrübəsini
bizimlə bölüşən Dr. Fikrət Paşayevə, eləcə də tədbirdə iştirak edən hər kəsə təşəkkür edirik!
Birlikdə öyrənir, müzakirə edir və gələcəyin liderləri kimi inkişaf edirik!











