Xəbərlər
Xocalı şəhər 1 saylı körpələr evi–uşaq bağçasında görüş
10/07/2026, 10:33

Elm və Təhsil İşçiləri Həmkarlar İttifaqı Xankəndi-Xocalı Rayon Komitəsinin sədri Xocalı şəhər 1 saylı körpələr evi–uşaq bağçasında kollektivlə görüş keçirib.
Görüş zamanı həmkarlar ittifaqının fəaliyyəti, əmək hüquqlarının qorunması, işçilərin sosial rifahının yaxşılaşdırılması istiqamətində görülən işlər və qarşıda duran vəzifələr barədə ətraflı məlumat verilib. Həmçinin bağça kollektivini maraqlandıran məsələlər müzakirə olunub, onların təklif və fikirləri dinlənilib, ünvanlanan suallar cavablandırılıb.
Sonda görüşün qarşılıqlı əməkdaşlığın daha da möhkəmləndirilməsi, həmkarlar ittifaqı üzvləri ilə səmərəli əlaqələrin genişləndirilməsi baxımından faydalı olduğu vurğulanıb.











