Xəbərlər
“XVII UNEC Karyera və Əmək Yarmarkası”nın könüllüləri mükafatlandırılıb.

UNEC və Əmək və Əhalinin Sosial Müdafiəsi Nazirliyinin tabeliyində fəaliyyət göstərən Dövlət Məşğulluq Agentliyinin birgə təşkilatçılığı ilə keçirilən “XVII UNEC Karyera və Əmək Yarmarkası”nda fəal iştirak etmiş Tələbə Həmkarlar İttifaqı Komitəsinin könüllü tələbələrinin mükafatlandırılma mərasimi keçirilib.
Tədbirdə UNEC-in tələbələrlə iş üzrə prorektoru dos. Səadət Qəndilova, Karyera Mərkəzinin direktoru Sevinc Məcid, Tələbə Həmkarlar İttifaqı Komitəsinin sədri İlkan Əliyev və fəal könüllü tələbələr iştirak ediblər.
Tədbirdə çıxış edən dos. Səadət Qəndilova könüllü tələbələri göstərdikləri fəallığa görə təbrik edib, onlara gələcək fəaliyyətlərində uğurlar arzulayıb.
Sonda UNEC-in tələbələrlə iş üzrə prorektoru dos. Səadət Qəndilova tərəfindən “XVII UNEC Karyera və Əmək Yarmarkası”nda fəal iştirak etmiş könüllü tələbələrə təşəkkürnamələr təqdim olunub.



































